زمینات کے دوبارہ سروے کا کام گرام سبھاؤں کے ذریعے تیز کیا جائے: ایڈیشنل کلکٹر بی ایس لتا

 رپورٹ آوازِ نرمل نیوز، 16 جولائی: تلنگانہ کی معزز ریاستی حکومت کی جانب سے اراضیات کے مربوط اور شفاف حل کے لیے شروع کیے گئے تاریخی ری سروے پروگرام کے سلسلے میں آج ضلع ایڈیشنل کلکٹر (ریونیو) محترمہ بی ایس لتا کی باوقار سرپرستی میں دھرم پوری اور گلہ پلی منڈلوں کے دور افتادہ مواضعات ناگارم اور ابا پور میں ایک پروقار و شعور بیدار کن گرام سبھا کا انعقاد عمل میں لایا گیا، جس کا بنیادی مقصد کسانوں اور دیہی عوام کے دلوں میں اراضیات کی پیمائش سے متعلق شکوک و شبہات کو دور کرنا اور ان میں بھرپور اعتماد بحال کرنا تھا۔ اس موقع پر خطاب کرتے ہوئے ایڈیشنل کلکٹر نے سروے اینڈ باؤنڈریز ایکٹ 1923ء کی دور رس قانونی افادیت پر تفصیل سے روشنی ڈالی اور متعلقہ افسران کو سخت تاکید کی کہ دیہی عوام کے مخلصانہ اشتراک اور گرام سبھاؤں کے فعال کردار کے ذریعے اس تصفیہاتی کام کو تیز تر اور نہایت شفاف بنیادوں پر پایۂ تکمیل تک پہنچایا جائے۔ اس بیداری کانفرنس میں دھرم پوری اور گلہ پلی کے تحصیلداروں سرینواس، ماجد، ریونیو کے مستعد عملے اور کسانوں کی ایک کثیر تعداد نے شرکت کرتے ہوئے حکومت کے اس جرات مندانہ اقدام کو اپنی اراضی کے تحفظ کا ضامن قرار دیا