نرمل کی پُر رونق محفلِ ولیمہ میں مقتدر شخصیتوں اور صحافی برادری کی ریکارڈ شرکت، محمد شفقت رشتۂ ازدواج سے منسلک

 رپورٹ: آوازِ نرمل نیوز، بتاریخ 24 مئی 2026ء گزشتہ روز نرمل شہر کے ممتاز اور پُرکشادہ آر گارڈن فنکشن ہال میں شہر کی معروف و ہردلعزیز تجارتی شخصیت محمد کلیم (پروپرائیٹر: تھری اسٹار ویٹر سروس) کے فرزندِ ارجمند محمد شفقت کی دعوتِ ولیمہ انتہائی تزک و احتشام، روایتی شان و شوکت اور پُر مسرت ماحول میں منعقد ہوئی، جس میں عمائدینِ شہر، سیاسی و سماجی رہنماؤں، دانشوروں اور عوام کے ایک عظیم ہجوم نے شرکت کرتے ہوئے محفل کو رونقِ بزم بخشی۔ شہر کی اس باوقار اور یادگار تقریبِ سعید میں آوازِ نرمل نیوز کے ایڈیٹر ان چیف عثمان بن عقیل نے خصوصی طور پر شرکت کی، جن کی آمد پر منتظمینِ محفل نے ان کا پُرخلوص استقبال کیا۔ ایڈیٹر ان چیف عثمان بن عقیل کے علاوہ شہر کی دیگر مقتدر اور نامور شخصیتوں میں ایم اے عمران، سید اسلم (کارپوریشن ممبر)، عدنان بن عقیل، عبدالرحیم اور دیگر جگر عمائدین و معززین شامل تھے، جنہوں نے دولہا محمد شفقت اور صاحبانِ خانہ کو گلدستے پیش کرتے ہوئے دلی مبارکباد پیش کی اور نئے جوڑے کی خوشگوار، کامیاب اور بابرکت ازدواجی زندگی کی شروعات کے لیے بارگاہِ الٰہی میں نیک تمناؤں کا اظہار کرتے ہوئے خصوصی دعاؤں سے نوازا۔ تقریبِ ولیمہ کے دوران جہاں ایک طرف شہر کی معروف ترین کارپوریٹ کیٹرنگ شخصیت محمد کلیم کی سرپرستی نمایاں تھی، وہیں ان کے بھائی محمد عثمان نے، جو کہ ایچ بی سی نیوز کے ممتاز و سرگرم رپورٹر ہیں، اپنی صحافتی اور سماجی ساکھ کے مطابق محفل میں آنے والے تمام معزز مہمانوں، دور دراز سے آئے ہوئے دوست احباب اور صحافی برادری کا روایتی اخلاق، پُرخلوص محبت اور والہانہ انداز میں استقبال کیا، جس کی تقریب میں موجود ہر خاص و عام نے دل کھول کر ستائش کی اور ان کی اس مخلصانہ میزبانی کو سراہا۔ اس پُر رونق اور تاریخی محفل میں کثیر تعداد میں امڈ آنے والے مہمانوں کے لیے نہایت لذیذ، نفیس اور پرتعیش ضیافت کا مثالی انتظام کیا گیا تھا، جہاں ہر طرف مسرت، شادمانی اور جشن کا ماحول نظر آیا۔ تقریب کے اختتام پر محمد کلیم اور ان کے بھائی محمد عثمان نے تمام معزز مہمانوں، شرکاء اور دوست احباب کا تہہ دل سے شکریہ ادا کیا جنہوں نے اپنی گرانقدر موجودگی سے اس بزم کو یادگار اور کامران بنایا، اور یہ باوقار محفل دیر گئے تک انتہائی خوش آئند اور اچھے ماحول میں جاری رہی۔