نرمل کی جلیل القدر دینی شخصیات کی ملی خدمات کو خراجِ تحسین: جامعہ نظامیہ حیدرآباد میں آل انڈیا صوفی علماء کونسل کے زیرِ اہتمام پُروقار تقریبِ تقسیمِ ایوارڈز، مولانا عبدالعلیم قاسمی اور رفقاء کو خصوصی اعزازات سے نوازا گیا۔

 رپورٹ: آوازِ نرمل نیوز، بتاریخ 03 مئی 2026ء، حیدرآباد کے تاریخی تعلیمی و روحانی مرکز جامعہ نظامیہ کے میڈیا ہال میں ائمہ مساجد اور مؤذنین عظام کی بے لوث اور مخلصانہ خدمات کے اعتراف میں ایک عظیم الشان تہنیتی تقریب کا انعقاد عمل میں آیا جس میں علم و عمل کی خوشبو اور اخلاص کا نور نمایاں تھا اس پُر اثر محفل میں ضلع نرمل کی ممتاز علمی شخصیت مولانا عبدالعلیم قاسمی، امام و خطیب مسجد سلیم و معلم مدرسہ روضۃ العلوم کو ان کی 32 سالہ طویل ترین اور مثالی دینی و تعلیمی خدمات کے اعتراف میں خصوصی ایوارڈ اور یادگارِ منتقوش سے سرفراز کیا گیا جبکہ مسجد کمبل پوش کے مؤذن محمد عبدالرشید کی 29 سالہ مسلسل اور مجاہدانہ خدمات کو بھی خصوصی طور پر سراہتے ہوئے انہیں اعزاز تفویض کیا گیا تقریب کے دوران دیگر معزز شخصیات جن میں شیخ احمد مؤذن مسجد تاج، حافظ حسین مسجد برہانیہ، حافظ محمد شکیل مسجد زہرا نگر اور سلیم الدین مؤذن مسجد سلیم شامل ہیں، ان کی زندگی کے طویل ترین حصوں پر محیط گراں قدر دینی وابستگیوں اور خدمتِ خلق کے جذبوں کو مثالی قرار دیتے ہوئے انہیں بھی اعزازی شال اور تحائف پیش کیے گئے مقررین نے اپنے پُرمغز خطاب میں کہا کہ نرمل کے یہ فرزندانِ اسلام قناعت، استقامت اور تقویٰ کا وہ روشن مینارہ ہیں جنہوں نے اپنی پوری زندگی اللہ کے گھروں کی خدمت اور دین کی ترویج کے لیے وقف کر رکھی ہے اس تقریب نے یہ ثابت کر دیا کہ قوم اپنے مخلص خدمت گزاروں کی قدر کرنا جانتی ہے محفل کے اختتام پر تمام تہنیتی شخصیات کی درازیِ عمر، صحت و سلامتی اور ان کی خدمات کی شرفِ قبولیت کے لیے رقت انگیز دعا کی گئی جس میں عمائدینِ شہر اور جید علماء کی بڑی تعداد شریک رہی۔