نوجوانوں کے مقدر کا ستارہ چمک اٹھا: دیارِ غیر میں روزگار کے حصول اور روشن مستقبل کے لیے ٹام کام (TOMCOM) کا انقلابی اقدام، نرمل کے اقلیتی نوجوانوں کے لیے بخت آوری کی نوید
byAWAZ E NIRMAL NEWS•
0
رپورٹ: آوازِ نرمل، نمائندہ فاضل ہاشمی، 10 اپریل 2026: ضلع اقلیتی بہبود افسر نرمل راتھوڑ موہن سنگھ کے بموجب تلنگانہ مائناریٹیز فنانس کارپوریشن حیدرآباد اور تلنگانہ اوورسیز مین پاور کمپنی لمیٹڈ (TOMCOM) کے باہمی اشتراک سے ضلع نرمل کے تعلیم یافتہ اور ہنرمند اقلیتی بے روزگار نوجوانوں کو بیرونِ ملک روزگار کے بہترین اور باوقار مواقع فراہم کرنے کا ایک جامع منصوبہ تیار کیا گیا ہے جس کے تحت آسٹریلیا، جرمنی، قطر، یونان اور عمان جیسے ممالک میں مختلف تکنیکی و غیر تکنیکی شعبوں میں مرد و خواتین سے درخواستیں طلب کی گئی ہیں۔ تفصیلات کے مطابق قطر میں نرسنگ اسٹاف کے لیے سوا لاکھ روپے کے قریب تنخواہ، جرمنی میں نرسنگ اور الیکٹریکل ٹیکنیشنز کے لیے سالانہ 25 لاکھ روپے تک کے پرکشش پیکیجز، اور یونان (گریس) میں ہوٹل انڈسٹری کے مختلف شعبوں بشمول ہاؤس کیپنگ، کک، الیکٹریشن اور پلمبر کے لیے ایک لاکھ روپے سے زائد کی ماہانہ تنخواہ مع مفت قیام و طعام کی سہولتیں فراہم کی جا رہی ہیں، جبکہ آسٹریلیا میں ویلڈرز اور مکینکس کے لیے بھی روزگار کی راہیں ہموار کی گئی ہیں۔ ان ملازمتوں کے لیے 21 سے 35 سال کی عمر کے وہ نوجوان جو انگریزی زبان پر عبور اور متعلقہ شعبے میں تجربہ رکھتے ہیں، وہ اس سنہری موقع سے فائدہ اٹھانے کے لیے اپنا CV فوری طور پر tomcom.resume@gmail.com پر روانہ کریں یا مزید تفصیلات کے لیے دفترِ ہذا کے فون نمبرات 9908830438، 9440051581، 6302322257 یا 94948212989 پر رابطہ کریں تاکہ ضلع کے نوجوان معاشی استحکام کی جانب قدم بڑھا سکیں۔
