رپورٹ: آوازِ نرمل نیوز | 29 اپریل 2026: ریاست بھر میں اسکالرشپ فنڈز کی اجرائی کے مطالبے کو لے کر بی آر ایس وی کی جانب سے تعلیمی اداروں کی بندش کی کال پر آج ضلع نرمل میں انتظامیہ کافی متحرک نظر آئی، جس کے دوران امن و امان برقرار رکھنے کی غرض سے پولیس نے صبح 7:30 بجے بی آر ایس وی ضلع صدر وُجارم مہیش اور نائب صدر مرزا شعیب بیگ کو احتیاطی طور پر اپنی تحویل میں لے کر نرمل ٹاؤن پولیس اسٹیشن منتقل کر دیا؛ واضح رہے کہ طلبہ تنظیموں کی جانب سے اسکالرشپ کے زیر التوا مسائل پر احتجاج کا سلسلہ جاری ہے اور اسی پس منظر میں آج ریاست گیر ہڑتال کی اپیل کی گئی تھی، تاہم انتظامیہ کی جانب سے کی گئی ان گرفتاریوں اور حالیہ پیش رفت کو مقامی سطح پر کافی اہمیت دی جا رہی ہے کیونکہ ایک طرف طلبہ اپنے تعلیمی مفادات کے لیے آواز بلند کر رہے ہیں تو دوسری طرف حکام نظم و ضبط برقرار رکھنے کے لیے کوشاں ہیں۔
