​عوامی خدمت کا مشن ہوا کامیاب: گاجول پیٹ ایکس روڈ پر اسپیڈ بریکرز کی تعمیر مکمل، عثمان بن عقیل کی لگن اور نمائندہ کونسلر محمد عرفان کے اخلاص نے ماری بازی

 رپورٹ: ایڈیٹر ان چیف عثمان بن عقیل، آوازِ نرمل نیوز | بتاریخ: 14 اپریل 2026 | شہرِ نرمل کی مصروف ترین شاہراہ گاجول پیٹ ایکس روڈ، جو گزشتہ کئی ماہ سے ٹوٹے ہوئے اسپیڈ بریکرز کی وجہ سے حادثات کا گڑھ بنی ہوئی تھی، آج وہ نمائندہ کونسلر محمد عرفان کی تڑپ اور عثمان بن عقیل کی بیباک صحافت کی بدولت امن و سلامتی کا نمونہ بن گئی ہے۔ اس اہم کام کی تکمیل محض ایک تعمیر نہیں بلکہ عوامی دردِ دل رکھنے والے دو مخلص سپاہیوں کی جیت ہے۔ آوازِ نرمل نیوز کے ایڈیٹر ان چیف عثمان بن عقیل نے اس خاموش قاتل (ٹوٹے اسپیڈ بریکرز) کے خلاف ایک مورچہ سنبھالا اور مسلسل حکام کے فون کھڑکا کر انہیں عوامی کرب کا احساس دلاتے رہے۔ اس مہم کو جب وارڈ نمبر 21 کے ہردلعزیز نمائندہ کونسلر محمد عرفان کی تائید حاصل ہوئی، تو کام کی رفتار کو پر لگ گئے۔ نمائندہ کونسلر محمد عرفان نے ثابت کر دیا کہ ان کے لیے سیاست کوئی عہدہ نہیں بلکہ خلقِ خدا کی خدمت کا ایک مقدس فریضہ ہے؛ وہ بار بار دفاتر کے چکر لگاتے رہے یہاں تک کہ کام کی منظوری لے کر ہی دم لیا۔ تعمیراتی کام کے موقع پر عدنان بن عقیل نے بھی اپنی موجودگی سے حوصلہ بڑھایا اور نمائندہ کونسلر محمد عرفان کی شاندار کارکردگی اور عوامی تڑپ کو دیکھتے ہوئے انہیں بھرپور مبارکباد پیش کی۔ عثمان بن عقیل نے اس موقع پر اظہارِ خیال کرتے ہوئے کہا کہ ہمیں نمائندہ کونسلر محمد عرفان جیسے نمائندوں پر فخر ہے جن کے گھر کے دروازے اور دل کے گوشے عوام کے لیے ہمیشہ کھلے رہتے ہیں۔ اس بڑی کامیابی پر گاجول پیٹ کے عوام عثمان بن عقیل کی بے لوث صحافت اور نمائندہ کونسلر محمد عرفان کی بے مثال قیادت کو دعائیں دے رہے ہیں، جن کی بدولت آج یہ سڑک ایک بار پھر محفوظ ہو گئی ہے۔