اردو صحافی عبدالعظیم کے والد محمد عبدالسلام (ریٹائرڈ اے ایس آئی) کا انتقال؛ مسجدِ گلزار میں نمازِ جنازہ اور تدفین، پریس کلب نرمل میں تعزیتی اجلاس اور دو منٹ کی خاموشی

 

نرمل: (خصوصی رپورٹ : آوازِ نرمل نیوز / ایڈیٹر ان چیف عثمان بن عقیل)
ا بتاریخ 5 مارچ نتہائی رنج و ملال کے ساتھ یہ اطلاع دی جاتی ہے کہ ضلع نرمل کی ہردلعزیز شخصیت اور محکمہ پولیس کے سابق آفیسر جناب محمد عبدالسلام صاحب (ریٹائرڈ اے ایس آئی، منچریال) کا 2 مارچ 2026 کو انتقال ہو گیا۔ مرحوم ایک نہایت ہی خوش مزاج، ملن سار اور بااخلاق انسان تھے، جنہوں نے سنہ 2015 میں اپنی ملازمت سے سبکدوشی اختیار کی تھی۔ وہ اپنے فرائض کی انجام دہی میں ہمیشہ صفِ اول میں رہے اور ان میں خدمتِ خلق کا بے پناہ جذبہ موجود تھا۔ مرحوم کی نمازِ جنازہ بعد نمازِ عصر مسجدِ گلزار میں ادا کی گئی، جس میں معززینِ شہر اور مختلف شعبہ ہائے زندگی سے تعلق رکھنے والی شخصیات نے بڑی تعداد میں شرکت کی۔ بعد ازاں، آہوں اور سسکیوں کے درمیان مسجدِ گلزار سے متصل (باجو) قبرستان میں ان کی تدفین عمل میں آئی۔
​ان کے انتقال کی افسوسناک خبر موصول ہوتے ہی پریس کلب نرمل میں ایک ہنگامی تعزیتی اجلاس منعقد کیا گیا۔ اس موقع پر پریس کلب کے صدر شری دھر راسام، سینئر جرنلسٹ سیم شکیل، مقیم، عبدالعظیم، محمد سلمان شیخ، وسیم اللہ، اور گزری رپورٹرز سمیت تمام مقامی صحافیوں نے شرکت کی۔ اجلاس میں مرحوم کے احترام میں دو منٹ کی خاموشی اختیار کی گئی اور ان کی مغفرت کے لیے خصوصی دعا کی گئی۔ صحافتی برادری نے اردو صحافی جناب عبدالعظیم اور ان کے بھائی جناب عبدالعلیم سمیت تمام سوگوار اہل خانہ سے دلی تعزیت کا اظہار کیا ہے۔ مرحوم کے پسماندگان میں دو فرزندان اور دو صاحبزادیاں شامل ہیں۔ اللہ تعالیٰ مرحوم کو جوارِ رحمت میں جگہ عطا فرمائے اور پسماندگان کو صبرِ جمیل دے۔ (آمین)