ڈاکٹر اے پی جے عبدالکلام کی باکمال زندگی نسلِ نو کے لیے مشعلِ راہ: عیدگاہ چوراہا نرمل پر 95 واں یومِ ولادت شاندار انداز میں منایا گیا
byAWAZ E NIRMAL NEWS•
0
رپورٹ: آوازِ نرمل نیوز | 15 اکتوبر 2026 — ہند کے سابق صدرِ جمہوریہ، ممتاز ترین سائنسداں اور "میزائل مین" ڈاکٹر اے پی جے عبدالکلام کی بے مثال ملکی خدمات اور ان کے بلند افکار کو خراجِ عقیدت پیش کرنے کے لیے ڈاکٹر اے پی جے عبدالکلام ایجوکیشنل اینڈ ویلفیئر سوسائٹی کے زیرِ اہتمام نرمل ضلع کے تاریخی عیدگاہ چوراہے پر ایک باوقار تقریب کا انعقاد عمل میں لایا گیا، جس میں سوسائٹی کے بانی صدر محمد اظہر الدین نے عبدالکلام کی بے لوث اور بے لوث قومی خدمات پر روشنی ڈالتے ہوئے کہا کہ موصوف نے نہ صرف ملک کے دفاعی نظام کو جدید میزائل ٹیکنالوجی سے لیس کیا بلکہ علم سے ان کے والہانہ عشق ہی کا نتیجہ ہے کہ آج ان کے یومِ ولادت کو بین الاقوامی سطح پر "یومِ طلبہ" کے طور پر منایا جاتا ہے، نیز انہوں نے حکومتِ ہند کی جانب سے عطا کردہ اعلیٰ ترین شہری اعزاز "بھارت رتن" کا ذکر کرتے ہوئے زور دیا کہ مرکزی اور ریاستی حکومتیں ان کے یومِ پیدائش و وفات کو سرکاری سطح پر منائیں اور بلدیہ نرمل کے تعاون سے عیدگاہ چوراہے پر ان کا کانسے کا مجسمہ اور میزائل کا ماڈل فوری نصب کیا جائے، جبکہ کلام گُنام یوتھ اینڈ ویلفیئر سوسائٹی کے سکریٹری امتیاز احمد نے صدارتی مسند کو عبدالکلام کی ذات سے ملنے والے وقار کا تذکرہ کرتے ہوئے کہا کہ انہی کی بدولت بھارت کو عالمی جوہری افق پر ایک ممتاز پہچان ملی؛ اس پروقار تقریب میں سوسائٹی کے جوائنٹ سکریٹری محمد عبدالجاوید، شیخ خلیل، عبدالواجد، مرزا شعیب، کریم، محمد منہاج، شیکھر، مہیندر، محمد شاداب، سیاسی رہنما عمران خان، محمد امتیاز، رضوان خان اور مقامی نوجوانوں نے بڑی تعداد میں شرکت کر کے ملک کے اس عظیم سپوت کو شاندار خراجِ عقیدت پیش کیا۔
