خواتین کو معاشی طور پر بااختیار بنانے کی سمت حکومت کا اہم قدم: نرمل کے وارڈ نمبر 21 میں 'اندرا مہیلا شکتی' ساڑیوں کی تقسیم کا پروقار آغاز

 رپورٹ: آوازِ نرمل نیوز — 4 جون 2026ء: خواتین کی معاشی خود مختاری، سماجی و وقار کی بحالی اور انہیں اپنے پیروں پر کھڑا کرنے کے جامع حکومتی منصوبے کے تحت شروع کردہ انقلابی اسکیم 'اندرا مہیلا شکتی' کے تحت آج نرمل بلدیہ کے وارڈ نمبر 21 میں، مقامی کونسلر نمائندہ محمد عرفان کی زیر نگرانی ساڑیوں کی تقسیم کا ایک پروقار پروگرام منعقد کیا گیا، جس کا باضابطہ افتتاح بلدیہ کے ذمہ داران اور معززین کے ہاتھوں عمل میں آیا۔ واضح رہے کہ یہ اسکیم محض ایک لباس کی فراہمی تک محدود نہیں ہے، بلکہ اس کا اصل مقصد خواتین کے سیلف ہیلپ گروپس (مہیلا سنگھمز) اور بنکروں کو بڑے پیمانے پر روزگار فراہم کرتے ہوئے مینوفیکچرنگ سیکٹر سے جوڑنا ہے تاکہ خواتین کو مستقل بنیادوں پر معاشی سہارا مل سکے۔ اس موقع پر منعقدہ تقریب میں ارجمند علی (ڈسٹرکٹ لائبریری چیرمین)، عمران اللہ (کونسلر وارڈ نمبر 22)، محمد عرفان (نمائندہ کونسلر وارڈ نمبر 21)، سید اسلم (کوآپشن ممبر)، محمد متین (کانگریس ٹاؤن مائنارٹی پریسیڈنٹ)، محمد قِصر (کانگریس ٹاؤن سکریٹری)، محمد جمال (کانگریس پارٹی لیڈر)، حامد اور ارباز نے شرکت کرتے ہوئے عوامی فلاحی اسکیموں کی اہمیت اور ان کے گہرے سماجی اثرات پر تفصیلی روشنی ڈالی، جبکہ مقامی خواتین نے کثیر تعداد میں اس پروگرام میں حصہ لے کر حکومت کے اس معاشی و سماجی ترقی کے اقدام کو سراہا اور اسے پسماندہ طبقات کی ترقی میں ایک اہم سنگِ میل قرار دیا۔