انٹرمیڈیٹ امتحانات میں کریمنگر کی طالبہ سیدہ ریشماں کا تاریخی کارنامہ، ریاستی سطح پر نمایاں مقام حاصل کرنے پر جگتیال میں پروقار تہنیت

 رپورٹ آواز نرمل نیوز/ 18 مئی 2026: علم و ادب کے گہوارے کریمنگر کے گورنمنٹ جونیئر کالج فار آرٹس اینڈ کامرس کی انتہائی ہونہار و بیدار مغز طالبہ سیدہ ریشماں نے انٹرمیڈیٹ سالِ دوم اردو میڈیم (ایچ ای سی گروپ) کے سالانہ امتحانات میں اپنی بے پناہ خداداد صلاحیتوں اور انتھک محنت کا لوہا منواتے ہوئے مجموعی 1000 نشانات میں سے 959 مارکس حاصل کر کے ریاستی سطح پر ایک زریں اور نمایاں مقام حاصل کیا ہے اور اردو میڈیم کے طلبہ کی صلاحیتوں کا پرچم بلند کر دیا ہے، اس فقید المثال اور شاندار کامیابی پر گزشتہ روز اتحاد ملت اسلامیہ ہند جگتیال کے زیر اہتمام سنٹرل ہال جگتیال میں ایک انتہائی پر اثر، باوقار اور تہنیتی تقریب کا انعقاد عمل میں لایا گیا جس میں اس ہونہار طالبہ کی علمی خدمات اور مظاہرے کو زبردست لائقِ تحسین قرار دیتے ہوئے معززینِ شہر اور ذمہ دارانِ تنظیم کے ہاتھوں ان کی روایتی شال پوشی کی گئی اور بطور اعترافِ خدمات ایک مائیمینٹو (یادگاری نشان) پیش کرتے ہوئے ان کی حوصلہ افزائی کی گئی، طالبہ کی اس غیر معمولی اور تاریخی کامیابی پر کالج ہذا کے اساتذہ، لکچرارس، جملہ اسٹاف، عزیز و اقارب اور علمی حلقوں نے مسرت کا اظہار کرتے ہوئے انہیں دلی مبارکباد پیش کی اور ان کے تابناک مستقبل کے لیے نیک تمناؤں کا اظہار کیا، جبکہ سیدہ ریشماں نے اس موقع پر انتہائی انکساری کے ساتھ اپنی اس کامیابی کو اساتذہ کی مخلصانہ رہنمائی اور والدین کی دعاؤں کا ثمرہ قرار دیتے ہوئے تمام تہنیت پیش کرنے والوں اور تقریب کے شرکاء کا فرداً فرداً شکریہ ادا کیا۔