منچریال میں کانگریس کا ضلعی اجلاس: نئی مجلس عاملہ کی حلف برداری، سرکردہ قائدین کی شرکت

 

​منچریال: 4 اپریل 2026 (رپورٹ: فاضل ہاشمی، آوازِ نرمل نیوز) منچریال ضلع کے موضع کیتھن پلی میں واقع ایم این آر گارڈنز میں آج کانگریس پارٹی کا ایک پروقار اور اہمیت کا حامل ضلعی سطحی جنرل باڈی اجلاس منعقد ہوا، جس میں سیاسی سرگرمیوں اور تنظیمی استحکام کے حوالے سے اہم پیش رفت دیکھنے میں آئی۔ اس توسیعی اجلاس میں بحیثیتِ مہمانِ خصوصی صدر تلنگانہ پردیش کانگریس کمیٹی (TPCC) مہیش کمار گوڑ، ریاستی وزیر برائے محنت و کانکنی وویک وینکٹ سوامی اور ضلع انچارج وزیر جوپلی کرشنا راؤ نے شرکت کرتے ہوئے کارکنوں اور عہدیداروں کو عوامی خدمت کے نئے اہداف دیے۔ اس موقع پر اے آئی سی سی سکریٹری سچن ساود، منچریال کے رکن اسمبلی کوکی رالا پریم ساگر راؤ، ایم ایل سی دنڈے وٹھل، سابق ایم ایل سی پرانم ستیش اور ٹی پی سی سی کے جنرل سکریٹری امبڑی راجیشور نے بھی اجلاس کی رونق بڑھائی اور اپنے خطاب میں پارٹی کے نظریات کی ترویج پر زور دیا۔ تقریب کا اہم ترین مرحلہ ضلع صدر پننٹی رگھوناتھ ریڈی اور ان کی نئی مجلس عاملہ کی رسمِ حلف برداری تھا، جسے ٹی پی سی سی صدر مہیش کمار گوڑ نے انجام دیا، جبکہ تمام شرکاء نے پارٹی کی مضبوطی اور فلاحی ایجنڈے کو کامیابی سے ہمکنار کرنے کا پختہ عزم ظاہر کیا۔