سڑکوں پر موت کا رقص تھمے گا، شعور کی شمع جلے گی: نرمل کی شاہراہوں پر کلکٹر ابھیلاشا ابھینو کی قیادت میں بیداری کا تاریخی انسانی سمندر!
byAWAZ E NIRMAL NEWS•
0
رپورٹ: ادارہ آوازِ نرمل نیوز | تاریخ: 15 اپریل 2026: حکومتِ تلنگانہ کے فلاحی مشن 'پراجا پالنا پرگتی پرنالیکا' کے تحت ضلع بھر میں جاری 'ارائیو الائیو' ہفتہ وار مہم اپنی کامیابی کے جھنڈے گاڑ رہی ہے، جس کے تسلسل میں آج صبح ضلع کلکٹر محترمہ ابھیلاشا ابھینو کی ولولہ انگیز قیادت میں نرمل کی مرکزی شاہراہوں پر ہزاروں طلبہ نے ایک طویل اور مستحکم 'انسانی زنجیر' بنا کر سڑک تحفظ کے حوالے سے شعور کا بے مثال ثبوت پیش کیا۔ اس پروقار تقریب میں جہاں کلا جتھا کے فنکاروں نے اپنے جوشیلے گیتوں سے عوام کے دلوں میں ٹریفک قوانین کا احترام اجاگر کیا، وہی ضلع کلکٹر نے اپنے خطاب میں نہایت فصیح اور دلنشین انداز میں واضح کیا کہ طلبہ ہی سڑک تحفظ کے اصل 'برانڈ ایمبیسیڈر' ہیں، کیونکہ جب معصوم بچے اپنے والدین اور بڑوں کو ہیلمٹ کے استعمال، سیٹ بیلٹ کی پابندی اور تیز رفتاری و نشہ خوری کے مہلک اثرات سے روکیں گے تو اس کا اثر کسی بھی قانون سے زیادہ گہرا ہوگا؛ انہوں نے مزید اعلان کیا کہ اس شعور کو جلا بخشنے کے لیے اسکولوں میں کوئز اور تحریری مقابلے بھی منعقد کیے جائیں گے تاکہ نئی نسل بچپن ہی سے ذمہ دار شہری بن کر ابھرے، جس کے بعد تقریب کے اختتام پر کلکٹر صاحبہ نے موجودہ افسران، بشمول سی پی او جیورتنم، ڈی ای او بھوجنا، ڈی وائی ایس او سری کانت ریڈی اور این سی سی کیڈٹس کے ہمراہ سب کو سڑک تحفظ کا حلف دلایا اور یہ پیغام عام کیا کہ انسانی زندگی بیش قیمت ہے جسے محض تھوڑی سی لاپرواہی کی نذر نہیں کیا جا سکتا۔
