نرمل: مسجدِ گلزار کے بالمقابل ’دعوتِ افطار‘ کا تاریخ ساز اجتماع، ملی اتحاد کا بے مثال مظاہرہ

 صدرِ مجلس نرمل جناب محمد مجاہد علی کی زیرِ قیادت اور ایم ایل اے محمد ماجد حسین کی شرکت نے تقریب کو چار چاند لگا دیے

خصوصی رپورٹ: آوازِ نرمل نیوز 7 مارچ 2026 — ایڈیٹر ان چیف: عثمان بن عقیل — آوازِ نرمل نیوز

شہر نرمل کی سماجی و ملی تاریخ میں آج کا دن ایک یادگار اور درخشاں باب کے طور پر درج ہو گیا ہے۔ کل ہند مجلسِ اتحاد المسلمین نرمل یونٹ کے زیرِ اہتمام، مسجدِ گلزار کے روبرو ایک ایسی عظیم الشان ’دعوتِ افطار‘ کا کامیاب انعقاد عمل میں لایا گیا جس کی گونج پورے ضلع میں سنائی دے رہی ہے۔ اس پروقار محفل کی کامیابی کا سہرا صدرِ مجلس نرمل جناب محمد مجاہد علی کی مخلصانہ قیادت اور ان کی پوری ٹیم کی انتھک محنت کے سر جاتا ہے، جنہوں نے اپنے حسنِ انتظام سے ثابت کر دیا کہ خلوصِ نیت سے کیے گئے کام ہمیشہ بار آور ہوتے ہیں۔ حیدرآباد سے تشریف لائے مہمانِ خصوصی، رکنِ اسمبلی نامپلی جناب محمد ماجد حسین نے جب اس منظم اور ٹھاٹھیں مارتے ہوئے عوامی سمندر کا مشاہدہ کیا تو وہ بھی منتظمین کی ستائش کیے بغیر نہ رہ سکے۔
افطار سے قبل کا وقت نہایت رقت آمیز اور روحانیت سے بھرپور تھا، جب علمائے کرام کی معیت میں عالمِ اسلام کی سربلندی، امن و آمان اور ملتِ اسلامیہ کے اتحاد کے لیے خصوصی اور رقت انگیز دعائیں کی گئیں۔ ان دعائیہ کلمات نے فضا میں ایک پاکیزہ احساس پیدا کر دیا، جس سے ہر قلب متاثر نظر آیا۔ ہزاروں فرزندانِ توحید نے ایک ہی صف میں بیٹھ کر ضیافتِ افطار کی، جو شہر میں بھائی چارے اور مساوات کی ایک روشن مثال بن گئی۔ تقریب میں شریک ہونے والے معززینِ شہر اور عوام بصد مسرت یہ کہتے ہوئے رخصت ہوئے کہ نرمل کی تاریخ میں پہلی بار اتنے بڑے پیمانے پر ایک ایسی منظم دعوتِ افطار دیکھی گئی ہے جس نے ہر خاص و عام کے دل جیت لیے ہیں۔ بلاشبہ، محمد مجاہد علی اور ان کے رفقاء کا یہ جذبہٴ خدمت، اتحادِ ملت کی جانب ایک مضبوط قدم ثابت ہوگا۔