آوازِ نرمل نیوز: امتحانات کے پرامن انعقاد کے لیے ضلع انتظامیہ متحرک، کلکٹر کی زیرِ صدارت جائزہ اجلاس

 بانی و نگرانِ اعلیٰ: عثمان بن عقیل

(نمائندہ: فاضل ہاشمی)

نرمل: ضلع کلکٹر نرمل، ایم ابھیلاشا ابھینو نے متعلقہ حکام کو دوٹوک ہدایات جاری کی ہیں کہ دسویں اور انٹرمیڈیٹ کے سالانہ امتحانات کو کسی بھی تکنیکی یا انتظامی خامی کے بغیر، انتہائی پرامن اور شفاف ماحول میں یقینی بنایا جائے۔ منگل کے روز ریاست کے چیف سکریٹری رام کرشنا راؤ نے حیدرآباد سے منعقدہ ایک خصوصی ویڈیو کانفرنس کے ذریعے تمام اضلاع کے کلکٹرز کے ساتھ امتحانی تیاریوں کا باریک بینی سے جائزہ لیا۔ اس موقع پر کلکٹر نے واضح کیا کہ امتحانی مراکز پر طلبہ کی سہولت کے لیے پینے کے پانی، فرنیچر، مناسب روشنی اور طبی امداد جیسے بنیادی انتظامات میں معمولی سی کوتاہی بھی ناقابلِ قبول ہوگی۔ اس اہم اجلاس میں ایڈیشنل کلکٹر (مقامی ادارے) فیضان احمد، آر ڈی او رتنا کلیانی، ڈی ای او بھوجنا، ڈی آئی ای او پرشورام، ڈی پی او سری نواس، ڈی ایم ایچ او راجیندر اور محکمہ ٹرانسپورٹ کے افسر درگا پرساد سمیت دیگر اعلیٰ حکام نے شرکت کی۔ آوازِ نرمل نیوز کی اس خصوصی رپورٹ کے مطابق، انتظامیہ نے امتحانات کے کامیاب اور شفاف انعقاد کے لیے ایک مربوط حکمت عملی وضع کر لی ہے تاکہ طلبہ کو ذہنی  سکون کے ساتھ امتحان دینے کا موقع میسر آ سک

ے۔