ضلع نرمل میں 'تلنگانہ راشٹر راشن ڈیلرس سوسائٹی' کی رکنیت سازی مہم کا شاندار آغاز اور 36 راشن دکانوں میں الیکٹرانک ترازو کی اسٹیمپنگ کا کام مکمل

 رپورٹ: آوازِ نرمل نیوز 9 اکتوبر 2026: تلنگانہ راشٹر راشن ڈیلرس سوسائٹی (رجسٹریشن نمبر: 1398/214) و تلنگانہ فیئر پرائز شاپ ڈیلرس ایسوسی ایشن کے ریاستی صدر نایا کوٹی راجو کی ہدایت پر ضلع نرمل میں راشن ڈیلروں کے مسائل کے دائمی حل، تنظیمی استحکام اور ان کے باہمی اتحاد کو یقینی بنانے کے مقصد سے وسیع پیمانے پر رکنیت سازی مہم کا باضابطہ آغاز کیا گیا ہے۔ اس سلسلے میں 7 اکتوبر کو بھینسہ اور کوبیر منڈل میں اہم اجلاس کے انعقاد کے بعد، آج 9 اکتوبر کو شہرِ نرمل میں بھی اس اہم مہم کا شاندار آغاز عمل میں آیا، جس میں ضلع صدر پتکے راجندر، ضلع سکریٹری شیخ مولانا اور نائب صدر شیخ احمد نے خصوصی شرکت کرتے ہوئے ڈیلروں کے دیرینہ مسائل، درپیش مشکلات اور مستقبل کے لائحہ عمل پر تفصیلی روشنی ڈالی۔ اجلاس کے دوران ریاستی صدر کی قيادت پر کامل اعتماد کا اظہار کرتے ہوئے ریاست بھر کے 17,200 ڈیلروں کو درپیش مسائل کے ازالے کے لیے حکومتِ تلنگانہ کے اعلیٰ حکام سے مسلسل نمائندگی اور جدوجہد کے عزم کا اعادہ کیا گیا۔ اس موقع پر بھینسہ ڈویژن سے تعلق رکھنے والے صدر محمد اسماعیل، رولر ڈیلرس کے صدر شیکھر، نائب صدر یکھی خان، بھینسہ ٹاؤن صدر گوپال داس، نائب صدر محمد کلیم الدین خالد، بھینسہ ٹاؤن ڈیلرس کے جنرل سکریٹری محمد عبدالقیوم شیر خان، جی سریش، پرہلاد پتے وار، جی روی، اکشے، میر زاہد علی عباسی، محمد عبدالسلیم، عتیق احمد، سریش شاہنے، ٹھاکر راجندر سنگھ، رولر ڈیلرس میں نرسیا، جی متنا، سائی کمار، نرسہ پور منڈل صدر چندر کانت پٹیل اور کوبیر منڈل کے تمام ڈیلروں کے علاوہ نرمل سے جی سرینواس (جی ارونا دیوی)، پولا سرینواس (سرینو)، راج کمار (راجو)، نامپلی سرینو، اے وینکٹ رمنا، کے لنگیا، جے گنگادھر، سی شکر، وسی اللہ خان، محمد عرفان، عتیق احمد، ایس ڈی اطہر الدین، کے کشن، عبدالفہیم، ڈی ایس راج لنگم، بی راجیشوری (کے رجیتا)، ڈی سدرشن، ڈی سلوچنا، جی پروین، جی راما دیوی، ایم راجامنی، اے راجیشور، پی نریندر، کے وجئے لکشمی، ایم سریش، کے راما انجنیلو، رام پرساد، اے رمیلا، عرفان، فہیم اور مذکر سمیت دونوں ڈویژنز کے جملہ فیئر پرائز شاپ ڈیلروں نے جوش و خروش کے ساتھ شرکت کر کے اتحاد کا مظاہرہ کیا اور تنظیم کی رکنیت حاصل کی۔ اس مہم کا ایک اور انتہائی نمایاں پہلو قانونی پیمائش (لیگل میٹرولوجی) کے تحت نرمل ٹاؤن کی جملہ 36 راشن دکانوں میں الیکٹرانک ترازو کی باضابطہ اسٹیمپنگ کے عمل کی مکمل اور کامیاب تکمیل رہی، جس پر نرمل ٹاؤن راشن ڈیلرس ایسوسی ایشن کی جانب سے گوپی سر (نرمل ٹاؤن) کا بالخصوص صمیمِ قلب سے شکریہ ادا کیا گیا اور تمام ڈیلروں نے اس کاپاب اقدام پر مسرت کا اظہار کیا۔