آوازِ نرمل نیوز | خصوصی رپورٹ
بتاریخ: 17 اپریل 2026ء (بروز جمعۃ المبارک)
نرمل/عادل آباد:
انسانیت کی خدمت اور عوامی مسائل کو اجاگر کرنا ہمیشہ سے آوازِ نرمل نیوز کا طرۂ امتیاز رہا ہے۔ آج ہم اپنے قارئین اور ناظرین کے سامنے ایک ایسی اپیل لے کر حاضر ہوئے ہیں جس کا تعلق ایک معصوم جان کی زندگی سے ہے۔
عادل آباد سے تعلق رکھنے والا معصوم بچہ تیمور علی گزشتہ کئی روز سے شدید علالت کا شکار ہے اور اس وقت حیدرآباد کے نلوفر اسپتال میں زیرِ علاج ہے۔ معصوم تیمور کی حالت انتہائی تشویشناک ہے اور وہ اس وقت زندگی اور موت کی کشمکش میں مبتلا ہے۔ ڈاکٹروں کی تمام تر کوششوں کے بعد اب معاملہ مسبب الاسباب اللہ رب العزت کی بارگاہ میں دعا کا ہے۔
آج جمعۃ المبارک کا مقدس دن ہے:
آوازِ نرمل نیوز تمام مساجد کے ائمہ کرام، علمائے دین اور تمام مخیر و ہمدرد مسلمانوں سے پُرخلوص اپیل کرتا ہے کہ آج نمازِ جمعہ کے خصوصی اجتماعات میں اس معصوم بچے کی صحت یابی کے لیے گڑگڑا کر دعا فرمائیں۔
ایک معصوم کی زندگی کے لیے اٹھنے والا آپ کا ایک ہاتھ، اس کے خاندان کے اجڑے ہوئے چمن میں دوبارہ بہار لا سکتا ہے۔ اللہ تعالیٰ سے دعا ہے کہ وہ اس معصوم بچے کو شفائے کاملہ و عاجلہ عطا فرمائے اور اس کے والدین کو صبر و استقامت دے۔
"دعا مومن کا ہتھیار ہے، اور خلوصِ دل سے مانگی گئی دعا تقدیر کے فیصلے بدلنے کی طاقت رکھتی ہے۔"
اپیل منجانب:
ادارہ: آوازِ نرمل نیوز
(خدمتِ خلق کی راہ میں آپ کا بااع
تماد ساتھی)
